वाट चुकलेला मासा

बाबा: बाळा, अगं हा मासा एकटाच का काढलास?
अरुशी : बाबा, तो वाट चुकलाय.

दिवस असे की कोणी माझा नाही

"दिवस असे की कोणी माझा नाही" हे संदिप खरेचे गाणे लागलेले होते. त्यावर अरुशीची टिपण्णी...

"हा असं काय वेड्यासारखं म्हणतोय कोणी नाही म्हणून? कोणीतरी अहे असं छान छान म्हणावं हे याला माहित नाही का?"

का का कशामुळे?

अरुशी नेहमीप्रमाणे आजही भलत्याच फॉर्मात होती. आईला प्रश्न विचारुन भांडावून सोडने हा तिचा आवडता खेळ.

आई - तुझी हे सारखं सारखं "का? का? क??" ऐकून डोकं किट्ट झालं आहे. आता पुन्हा म्हणून मला "हे का, ते का" असं विचारु नकोस.
अरुशी (निरागस पणे वा चालूगिरी हे तिचे तिलाच माहित) - ठिक आहे. पण "कशामुळे"?

"ये बच्चू"वर अरुशीचे नृत्य

आज पहिल्यांदाच गजनी चित्रपटातले हे गाणे बघता-बघता अरुशीने त्याचा ठेका धरला.



Click here for this video on youtube

केव्हा तरी पहाटे... अरुषीचे गाणे

पूर्वी कधितरी ऐकलेले गाणे चालीसह लक्षात ठेऊन गायले आहे...

श्री. गुरुजींची सुटका

पार्श्वभूमी -एक पुस्तक चाळ्ताना श्री. गोळवलकर गुरूजींचे तुरूंगातील चीत्र निदर्शनास आले. तशी आरु आईला म्हणते,

अरूषी: आई, गुरुजी ईथे तुरूंगात आहेत ,बरोबर?
आई: हं
अरुशी: आता त्यांना बाहेर काढून दाखवू?
आई: दाखव
अरुशी: (भिंती वरील गुरू़जींच्या प्रतिमेकडे बोट दाखवत) ते बघ, तिथे!

कमावते बाबा

आई - अरुषी, माझं डोकं फार दुखतय. जरा दाबून दे ना बाळा.
अरुषी - आई माझे हात नाजूक आहेत ना... दुखतील.
आई - मग, बाबांचं डोकं सुखायाला लागल्यावर त्यांनी न म्हणता सुद्धा कसं काय दाबून देतेस गं?
अरुषी - अगं बाबा कामावर जातात म्हणून तर आपल्याला सगळ्या गोष्टींसाठी पैसे मिळतात. मग त्यांची काळजी नको का घ्यायला?
आई - पण आई सुद्धा सगळ्यांना स्वयपाक करुन देतेच ना गं?
अरुषी - अगं पण ते तर बाबा सुद्धा करू शकतात. तू त्यांच्या ऑफिसात जाऊ शकतेस का? म्हणून बाबांची काळजी घेणं फार महत्वाचं आहे.