Saturday, April 11, 2009

आळशी जिजस क्राइस्ट

अरु: बाबा, ख्रिश्चन लोकांच्या जय बप्पाचं नाव काय काय हो? विसरलेच मी.
मी : जिजस ख्राईस्ट
अरु : जसे आपले जय बप्पा सगळ्यां लोकांची, प्राण्यांची काळजी घेतात, आपल्याला पाणि, हवा, ऊन, अन्न हे सगळं मिळवण्यासाठी मदत करतात. तसं हा यांचा जय बप्पा काय करतो?
मी : बाळा जय बप्पा सर्वांचा एकच असतो. तो आपल्या हिंदू लोकांना भेटायला आला तेव्हा राम, कृष्ण, देवी अशा रुपांमध्ये भेटायला आला. या ख्रिश्चन लोकांना तो जिजस बनून भेटायला आला.
अरु : मग आपल्या राम-कृष्ण बप्पांनी दुष्ट राक्षसांना मारलं तसं या जिजसने कोणत्या राक्षसांना मारलं?
मी : नाही बाळा, तो राक्षसांना नाही मारु शकला.
अरु : ओह, म्हणजे तो आळशी होता होय. आता समजलं मला.

Monday, April 6, 2009

वसंतची फसवी चाहूल

आक्टोपासून सुरु असलेल्या हिवाळ्याने मार्चच्या पहिल्या-दुसर्‍या आठवड्यात जरा उसंत दिली. आम्ही तर वसंत ऋतू आला म्हणून आनंदी होऊन सायकल खेळायला बागेत मोर्चा सुद्धा वळवला. पण कसचे काय? बागेत उघड्या मैदानात गेल्यावर जाणवले की घराबाहेर आल्यावर गुलाबी वाटणारी थंडी अजूनही बोचरीच आहे.



या तळ्यावर आता उरल्या सुरल्या बर्फाचा थर राहिला आहे. त्याच्यावर पक्षी बसलेत. चित्र मस्त वाटते आहे ना?

वाट चुकलेला मासा



बाबा: बाळा, अगं हा मासा एकटाच का काढलास?
अरुशी : बाबा, तो वाट चुकलाय.

Saturday, December 27, 2008

दिवस असे की कोणी माझा नाही

"दिवस असे की कोणी माझा नाही" हे संदिप खरेचे गाणे लागलेले होते. त्यावर अरुशीची टिपण्णी...

"हा असं काय वेड्यासारखं म्हणतोय कोणी नाही म्हणून? कोणीतरी अहे असं छान छान म्हणावं हे याला माहित नाही का?"

का का कशामुळे?

अरुशी नेहमीप्रमाणे आजही भलत्याच फॉर्मात होती. आईला प्रश्न विचारुन भांडावून सोडने हा तिचा आवडता खेळ.

आई - तुझी हे सारखं सारखं "का? का? क??" ऐकून डोकं किट्ट झालं आहे. आता पुन्हा म्हणून मला "हे का, ते का" असं विचारु नकोस.
अरुशी (निरागस पणे वा चालूगिरी हे तिचे तिलाच माहित) - ठिक आहे. पण "कशामुळे"?

Tuesday, December 23, 2008

"ये बच्चू"वर अरुशीचे नृत्य

आज पहिल्यांदाच गजनी चित्रपटातले हे गाणे बघता-बघता अरुशीने त्याचा ठेका धरला.



Click here for this video on youtube

केव्हा तरी पहाटे... अरुषीचे गाणे

पूर्वी कधितरी ऐकलेले गाणे चालीसह लक्षात ठेऊन गायले आहे...